...

Farinn

2007-02-13T14:48:00.000Z

Gafst upp fyrir Moggaveldinu.

5-4

2007-02-09T03:47:00.000Z

Já! Félagshyggjan sigrar alltaf að lokum! Til hamingju, stúdentar!

Nú er ég orðinn frægur

2007-02-06T11:39:00.000Z

Jónína Ben var að blogga um mig.

Munið að kjósa!

2007-02-06T00:09:00.000Z

Mísógýnía og xenófóbía

2007-01-29T23:01:00.000Z

Ég finn mig knúinn til að analýsera betur myndina sem sjá má í síðustu færslu. Það hefur nefnilega runnið upp fyrir mér að þarna gerist Ásgeir Runólfsson, oddviti Röskvu, sekur um xenófóbískt og mísógýnískt athæfi. Við sjáum myndir.

Ásgeir hefur hér hendur í hári Yohanns Rogers Roberts Peyron, fransmanns, sem skipar 8. sæti á framboðslista Röskvu til Háskólafundar. Yohann, sem er ekki kunnugt um íslenska siðhætti, telur sig taka þátt í einhvers konar íslenskri hefð og brosir sínu blíðasta. Lítið veit hann um xenófóbískar ástæður þess að Ásgeir togar í hár hans.

Hér togar Ásgeir í hár Þorbjargar Söndru Bakke stjórnmálafræðinema, sem er femínisti og þekkir vel til þeirrar kúgunar sem feðraveldið hefur beitt kvenþjóðina frá örófi alda. Augljóst er að henni mislíkar það og skrækir hún því af gremju.

Á þessu má sjá að Ásgeir oddviti, er ekki aðeins kvenhatari, heldur einnig útlendingahatari, þrátt fyrir að útlendingurinn í þessu tilviki, í einfeldni sinni, geri sér ekki grein fyrir því.

X-Röskva

2007-01-29T00:30:00.000Z

Mynd segir meira en þúsund orð.

Uppfært: Tek eftir ákveðinni kvenfyrirlitningu hjá Geira spæs í neðra hægra horninu.

Ójöfnuður

2007-01-26T12:32:00.000Z

Vil benda á frábæra grein Agnars Freys Helgasonar, hverja allir lesi.

Demó

2007-01-23T12:46:00.000Z

Hvort er flottara, Clinton eða Obama?

Gleði til góðgerða

2007-01-19T16:11:00.000Z

Frábært að sjá að gamlar hefðir lifa áfram. Við í Framtíðarstjórninni 2004-5 hrintum þessum degi í gang, eins og mörgum öðrum góðum hefðum, sem hafa haldist síðan.

...

Annars var ég að koma frá tannlækni. Það er ekki í frásögur færandi þar sem ég fer daglega til tannlæknis, en í þetta skipti var meðferðin sársaukafyllri en nokkurn tímann áður. Ég er ekkert hræddur við borinn, það er þetta tannholdsskrap sem er viðbjóðslega sárt.

Síminn

2007-01-19T14:21:00.000Z

Síminn er versta fyrirtæki á landinu. Allir mundu gera vel í því að skipta ekki við Símann.

Dólgsháttur

2007-01-18T20:38:00.000Z

Megi dólgarnir sem standa fyrir Playboy kvöldi á NASA kremjast sjálfir undir oki feðraveldisins.

Lof í lófa

2007-01-18T18:13:00.000Z

Ekki er úr vegi að hrósa Rex Iuris, Friðriki Árna Friðrikssyni, sem dúxaði í Almennri lögfræði haustönn 2006 með 8,5. Vel gert, dólgur.

Róttækni

2007-01-17T22:17:00.000Z

Stúdentar og kennarar í Aþenu brenna bíla og kasta grjóti vegna þess að ríkisstjórnin vill leyfa einkarekna háskóla.

Og svo heldur fólk að Röskva sé róttæk.

Texti

2007-01-12T19:11:00.000Z

Fyrsta frétt kvöldfréttatíma Ríkissjónvarpsins var textuð, en hún fjallaði um kynferðislega misnotkun á heyrnarlausum unglingum. Gott og vel. Næsta frétt fjallaði um sama mál. Hún var ekki textuð. Þriðja frétt fjallaði um þjóðlendumálið og sú fjórða um Tony Blair. Hvorug þeirra var textuð. Koma seinni málin ekki heyrnarlausum við?

Ættu ekki allar fréttir hjá Ríkissjónvarpinu að vera textaðar?

Ætiþistlar

2007-01-10T16:52:00.000Z

Gott stöff. Hvar getur maður keypt þá, bara í Hagkaupum eða?

Nú byrjar ballið

2007-01-07T21:03:00.000Z

Kosningamiðstöð Röskvu, Austurstræti 12, 3. hæð, fyrir ofan Deco, var opnuð með glæsibrag á föstudaginn. Myndirnar má sjá hér. Takið sérstaklega eftir hvað kellinn er trylltur á þeim, men.

Annáll

2007-01-05T14:00:00.000Z

Áramótaheitin mín fyrir árið 2006 voru þessi (feitletruð þau sem ég klúðraði):

Árið 2006 ætlaði ég að verða betri manneskja, stunda ræktina betur, læra meira, lesa meira, fremja tónverk, fremja gjörning, fremja list, fá mér kærustu, minnka hrokann, skapa, skrifa lengri bloggfærslur, kynnast fólki, kynnast betur því fólki sem ég þekki, eyða meiri tíma með fjölskyldunni, ferðast eitthvað (þó ekki sé nema innanlands) og verða svo að sjálfsögðu alloft sósaður, með kostulegum afleiðingum. Þetta afrekaði ég á eftirfarandi hátt:

Janúar
Ég byrjaði árið á ofurölvun, ofáti og almennri vanlíðan eins og flest önnur ár. Við tók hressari tíð því fljótlega tók ég til starfa sem forfallakennari í Hjallaskóla í Kópavogi og Landakotsskóla (gamla skólanum mínum) stuttu seinna. Þetta var áhugaverð reynsla, en ég held að kennsla á grunnskólastigi sé ekki mín sterkasta hlið.
...
Náttúruverndartónleikarnir voru góðir þrátt fyrir skort á Nick Cave.
...
Lét plata mig út í að starfa með Röskvu undir lok mánaðarins og taka 4. sætið á framboðslistanum til Stúdentaráðs. Að öðru ólöstuðu var best við þetta allt saman að kynnast frábæru fólki.

Febrúar
Kosningarnar fóru ágætlega þó að aðeins hefði munað þremur atkvæðum að ég kæmist ekki inn í Stúdentaráð. Við tóku samningaviðræður sem enduðu með sögulegu samstarfi Röskvu og Vöku og skipt var í nefndir samkvæmt hinu glæsilega Steindórsskjali. Ég tók sæti sem formaður Jafnréttis- og öryggisnefndar SHÍ og lagði mikla vinnu í það starf það sem eftir var árs. Aðrir einbeittu sér frekar að paramyndun, en ég lét það bíða í tvo mánuði.

Mars
Tilkynnt var að herinn færi af landi brott. Það kætti mig.
...
MorfÍs lið MR stóð í ströngu í undirbúningi fyrir úrslitaviðureign við MH og átti þetta eftir að vera síðasta MorfÍs keppnin sem ég tók beinan þátt í. Keppnin vannst, fyrsti MorfÍs sigur MR í 18 ár, allir urðu glaðir og ölvaðir.

Apríl
Ástir tókust með okkur Helgu með tilheyrandi vídjóglápi, kökubakstri og almennum gay-leika. Hápunktur ársins.

Maí
Próf og almenn leiðindi, sem fór svo sem ágætlega hjá mér. Ég vann mína seinustu vakt í Þjóðleikhúsinu og undirbjó mig fyrir sumarið.

Júní
Hóf störf hjá Fréttablaðinu. Ný tilfinning, að hlakka til að mæta til vinnu, kom mér í opna skjöldu. Klúðraði myndatexta á forsíðu, þekkti ekki muninn á lax og urriða, en það er nokkurn veginn eina klúðrið allan minn feril.
...
Reykjavík Trópík heppnaðis ágætlega, þ.e.a.s. fyrir þá sem ekki báru fjárhagslega ábyrgð. Mikið stuð að spila kubb og drekka bjór heila helgi.

Júlí
Vinnan gekk sinn vanagang, en í lok mánaðarins héldum við Helga austur að skoða svæðið sem nú gengur undir nafninu Hálslón. Í leiðinni stoppuðum við á Borgarfirði eystri til að sjá tónleika Belle & Sebastian og Emilíönu Torrini. Þeir voru þeir fyrstu í langri tónleikahrinu á árinu.
...
Röskva kláraði að blindraletursmerkja allar helstu byggingar Háskólans á einni góðri kvöldstund.

Ágúst
Um miðjan ágúst hélt Ferðafélagið Þreytti, Sveitti og Svangi í fylgd með Dagnýju og Stíg til Belgíu, þar sem Pukkelpop tónleikahátíðin fór fram. Radiohead og Daft Punk tónleikarnir stóðu upp úr á hreint frábærri hátíð, þ.e.a.s. fyrir utan alla fullu unglingana og slælega hreinlætisaðstöðu. Nokkrum dögum eyddi Ferðafélagið svo í London þar sem farið var fyrirvaralaust á Rolling Stones tónleika á Twickenham leikvanginum. Þar kynntumst við einnig múraranum Terry, sem var ferðarinnar virði út af fyrir sig.

September
Skólinn hófst á ný, mikið að gera í Röskvu og Stúdentablaðinu. Vinnan hélt áfram, en nú um helgar og í íhlaupum. Jafnframt kíkti ég á tónleika Nick Cave í Höllinni, sem þó stóðust ekki samanburð við tónleika hans á Broadway fyrir nokkrum árum.
...
Við Rúnar stóðum fyrir stuttmyndakeppninni Ljósvakaljóð í samvinnu við Pennann, Reykjavíkurborg og RIFF. Fyrir keppnina var haldið námskeið með þekktum kvikmyndagerðarmönnum, þeim Ragnari Bragasyni, Degi Kára og Skúla Malmquist. Námskeiðið og keppnin heppnuðust með ágætum og við munum endurtaka leikinn með haustinu.

Október
Október var viðburðaríkur mánuður sem hófst að venju á afmælinu mínu. Stuttu síðar fórum við Rúnar og Finnur á árlegan Hereford málsverð okkar, rifumst um pólitík og vorum almennt ölvaðir.
...
Daft Punk komu til landsins og ég var fenginn til að taka viðtal við þá fyrir Fréttablaðið. Klárlega hápunktur ferilsins hingað til að spjalla við goðin grímulaus um heima og geima.
...
Röskva kom því í gegn að Stúdentaráð stæði fyrir Meðmælum og þann 12. október flykktust háskólanemar og aðrir niður á Austurvöll til að láta skoðanir sínar í ljós. Daginn eftir var aðalkvöld Októberfest þar sem ég afgreiddi bjór og þeytti skífum til skiptis (les: gerði playlista í iTunes).

Nóvember
Ritgerðir og misskemmtilegt stúss í Röskvu. Voru svo ekki Sufjan Stevens tónleikar?

Desember
Prófin gengu ágætlega og eftir þau tók við stíf vinna á blaðinu. Í þetta skiptið var ég í innblaðinu að skrifa um menningu, fólk og slúður. Ágætis tilbreyting þó að slúðurhlutinn hafi kannski verið lítið spennandi.

Á næsta ári ætla ég að vinna meira, stunda ræktina betur, læra meira, lesa meira, eyða meiri tíma með fjölskyldunni, minnka hrokann, hætta að drekka kók (nema í þynnku), vera minna gay, ferðast eitthvað og verða svo að sjálfsögðu alloft sósaður, með kostulegum afleiðingum. Gleðilegt ár og takk fyrir það gamla.

Gleðilegt ár, gott fólk

2007-01-01T20:55:00.000Z

Er Egill Helgason endanlega búinn að missa sig í upphafi nýs árs? Í bloggfærslu sem hann skrifar í gær segir hann að fyrirbærið blogg hafi verið fundið upp árið 2005.

Svo segist hann vorkenna mér og öllum öðrum sem vinna á fríblöðum.

Svo segir hann að Björgólfsfeðgar og topparnir hjá KB séu gráðugir og heimskir (meiðyrði?).

Svo segir hann að 'ómarisminn', Andri Snær og fleiri vilji ekki hafa upplýst hús og götur vegna þess að þeir voru á móti Kárahnjúkavirkjun (gerir sér líklega ekki grein fyrir því að Búrfellsvirkjun ein nægir til að veita rafmagn til heimilisnota á öllu landinu).

Af hverju fær þessi karlremba að delara frjáls í sjónvarpi og á Vísi?

Kryddsíld

2006-12-31T16:51:00.000Z

Eru einhver rök fyrir því að stjórnarandstöðuflokkarnir ættu að koma sér saman um forsætisráðherraefni fimm mánuðum fyrir kosningar? Væri ekki mun eðlilegra að leyfa kjósendum sjálfum að ákveða það, til dæmis með því að kjósa þann stjórnarandstöðuflokk sem þeir vilja helst sjá leiða ríkisstjórn?

Hættur

2006-12-28T12:15:00.000Z

Hef ráðið mig til starfa sem ritstjóri Blaðsins.

Flokkurinn

2006-12-27T16:38:00.000Z

Mun kosningavaka flokksins Flokksins á barnum Barnum vera auglýst í blaðinu Blaðinu?

Búrúmmbúmmtsss.

Æska

2006-12-23T23:02:00.000Z

Fann fyrir ungum aldri mínum í Vínbúð ÁTVR í dag.

'Ha, jólbjórinn frá Tuborg? Neinei, hann klárast alltaf löngu fyrir jól, það vita allir. Er þetta fyrsta árið þitt í Ríkinu?'

Staðalímyndir

2006-12-22T10:38:00.000Z

Massafín grein eftir Sögu á Vefritinu í dag. Sérstaklega flott að horfa svo á Dove myndbandið sem fylgir, það segir meira en mörg orð.

...

Svona er það þegar maður vinnur við að skrifa, þá nennir maður lítið að skrifa í frítíma sínum. Ég vísa þá bara í skrif annarra.

...

Annars er varla nokkurs staðar skýrari innrætingu á staðalímyndum að finna en í Nú skal segja.

Af flugdólgi

2006-12-18T10:52:00.000Z

Í fréttum Stöðvar 2 í gær kom fram að flugdólgur nokkur hefði látið ófriðlega í vél á leið til Íslands frá Kúbu. Þegar konan hans reyndi að róa hann tók hann til við að berja hana. Þeim var báðum hent út í Halifax.

Af hverju?

Svo að hann gæti haldið áfram að berja hana?

Ég er með spurningu

2006-12-17T21:42:00.000Z

Una, Konni, Ásdís, Elín Lóa, aðrir hlutaðeigandi.

Nú er stórt skautasvell á miðju Ingólfstorgi. Hvar munum við dansa í kringum jólatré á Þorláksmessu?

Framsókn 90 ára

2006-12-16T23:17:00.000Z

Er þetta ekki komið gott?

Herbalife

2006-12-15T18:09:00.000Z

Tilvitnun dagsins á Kolbeinn Óttarsson Proppé:

Bandaríkin eru eins og ágengur Herballife sölumaður sem hefur enga trú á eigin vöru og notar hana ekki.

Bandríki.is

2006-12-14T22:51:00.000Z

Vefþjóðviljinn talar um vinstriþulur Morgunblaðsins.

Hahaha.

Ég vil einmitt nota tilefnið og fordæma hægrisinnuð skrif Reykjavík Grapevine. Helvítis frjálshyggumennirnir þar, það er ekki mark á þeim takandi.

Veió

2006-12-14T00:07:00.000Z

Búinn í prófum og farinn að vinna. Verð á innblaðinu, þannig að ef einhvern vantar plögg fyrir hljómsveitina sína eða eitthvað þvíumlíkt, þá bara holla, men.

Svo vona ég að fólk vilji eitthvað detta í djammoníakið um helgina. Stúdera smá ölvunarfræði? Heió!

ÍAV

2006-12-12T23:39:00.000Z

Ennþá styttri úrdráttur um ÍAV:

Framsóknarflokkurinn gaf vinum sínum 40% hlut í vel stæðu og stóru ríkisfyrirtæki og nokkur hundruð milljóna í kaupbæti.

Nógu skýrt?

ÍAV-málið í hnotskurn

2006-12-12T11:03:00.000Z

Ekki ætla ég að setja mig á svo háan stall að fólk haldi að ég viti allt um þetta, en mig langar að draga ÍAV-málið aðeins saman í nokkra punkta, eins langt og skilningur minn á því nær.

- Einkavæðinganefnd er framkvæmdanefnd og starfar undir fjögurra manna ráðherranefnd sem starfar undir þinginu.

- Jón Sveinsson hefur lengi verið formaður hennar, en hann er annar fulltrúa Framsóknarflokksins í henni.

- Íslenska ríkið vildi selja hlut sinn í Íslenskum Aðalverktökum ehf. og útboð í hlut þess fór fram vorið 2003.

- Stjórnendur ÍAV ehf., með þáverandi forstjóra í forsvari, buðu í hlut ríkisins (39,86%) undir nafninu EAV ehf. Þrír aðrir bjóðendur voru í hlut ríkisins og hefur einn þeirra (Trésmiðja Snorra Hjaltasonar hf. og JB byggingafélag ehf.) kært söluna.

- Upplýsingagjöf til bjóðenda var háð samþykki forstjóra (sem jafnframt var einn bjóðenda!). Þarna er EAV ehf. í mjög óeðlilegri stöðu, þar sem þeir vita allt um innviði ÍAV.

- Landsbankinn var umsjónaraðili útboðsins, en þegar í ljós kom að hann tengdist bæði EAV ehf. og öðrum bjóðanda (Jarðboranir hf.), var skipt um umsjónaraðila.

- Eigandi annars bjóðanda, Joco ehf., sat í stjórn ÍAV og hafði því stöðu innherja.

- Jón Sveinsson, formaður einkavæðinganefndar, var stjórnarformaður ÍAV þegar salan átti sér stað. Hann vann náið með stjórnendum ÍAV, sem síðar keyptu fyrirtækið. Lögmannsstofa Jóns vann einnig fyrir ÍAV og því hafði hann hagsmuni af því að fyrirtækið kæmist í ákveðnar hendur. Loks var hann endurkjörinn stjórnarformaður eftir að nýir eigendur, vinir hans úr stjórninni, tóku við.

- Jón sá um kynningu á starfsemi ÍAV fyrir bjóðendur, en hann dróg upp dökka mynd af rekstri ÍAV sem bjóðendur byggðu tilboð sitt á. Því var haldið fram að haldbært fé úr rekstri ÍAV væri neikvætt um mörg hundruð milljónir.

- Eftir söluna var hins vegar haldbært fé ÍAV skyndilega orðið jákvætt um tæpa 2 milljarða. Ástæða þess var endurmat á svokölluðu Blikastaðalandi, sem fyrirtækið átti, en það hafði verið vanmetið fyrir söluna. Þannig borguðu þeir 2 milljarðar sem EAV greiddi fyrir hlut ríkisins sig sjálfkrafa upp.

Það sem er hvað mest dúbíus í þessu öllu eru afskipti Halldórs Ásgrímssonar af málinu. Fleira mun koma á næstu dögum um þau í Fréttablaðinu og einnig afskipti Jóns Sveinssonar. Merkilegt að Steingrímur Sævarr Ólafsson hefur ekkert bloggað um þetta. Gæti það verið af því að hann var upplýsingafulltrúi forsætisráðuneytisins í tíð Halldórs?

Flókið? Heldur betur.

Annars bendi ég á fínt Baksvið sem Þórður Snær Júlíusson skrifar á bls. 22 í mánudagsblaði Fréttablaðsins.

Fríðmann

2006-12-12T10:25:00.000Z

Vil benda á þessa grein sem einhver stelpa skrifaði. Hún er töff.

Frjálslyndir fjölmiðar

2006-12-11T22:57:00.000Z

Í þessari grein Vefþjóðviljans er gert það sem algengt er í Bandaríkjunum, að ýta fjölmiðlunum til vinstri. Það er gert með því að kalla dagblöð og sjónvarpsstöðvar vinstrisinnaðar (eða 'liberal' eins og það er gert í Bandaríkjunum), þrátt fyrir að þessir fjölmiðlar hafi ítrekað tekið hægrisinnaða og stjórnholla afstöðu í leiðara- og fréttaskrifum.

Þessum fjölmiðlum er jafnframt stjórnað af auð hringum sem eru það víðfemir að maður varla gerir sér grein fyrir hversu mikið og öflugt fjölmiðlavald er á fáum höndum. Þessir miðlar því ganga oft erinda stjórnvalda, sem hafa skapað þeim þetta rekstrarumhverfi.

Í stað þessara 'liberal' fjölmiðla mæla neo-conarnir og nýfrjálshyggjupostularnir oft með fínum og hlutlausum fjölmiðlum eins og FOX og hinni indælu Ann Coulter (og auðvitað Ólafi Teit Guðnasyni). Ekki þarf að reiða vitið í þverpokum til að sjá að þetta eru ekki hlutlausir fjölmiðlar.

Það sem mér finnst samt merkilegast við þessi skrif Vefþjóðviljans er að þeir eru farnir að flokka Morgunblaðið til þessara frjálslyndu fjölmiðla. Langt er seilst.

...
'Annar þingmaður, Yossi Beilin, sagði ummælin styrkja efasemdur um hæfi Olmerts til að gegna embætti forsætisráðherra.'

Mér finnst þau nú frekar sýna hið gagnstæða ef eitthvað er. Allavega lýgur hann ekki að heiminum eins og Ísraelsstjórn hefur gert hingað til.

Jón Sveinsson

2006-12-10T20:53:00.000Z

Þetta ÍAV mál er algjör skandall. Meiriháttar spilling. Hefur samt farið merkilega lágt að mínu mati og enginn tekið það upp eftir Fréttablaðinu.

Ályktanir

2006-12-08T14:32:00.000Z

Oft var gaman þegar ég fór fyrir stjórn Framtíðarinnar veturinn 2004-5 á seinasta árinu mínu í MR. Við Grímur Jón Sigurðsson, gjaldkeri og stórvinur minn, reyndum mikið að hressa upp á dauða hefð í skólanum sem voru málfundir, sem í lögum stóð að ætti að halda a.m.k. einu sinni á hvoru misseri. Á haustmisseri 2004 héldum við okkar fyrsta fund, sem bara um 11 manns sátu. Þá var oft notað tækifærið til að samþykkja ályktanir fyrir hönd Framtíðarinnar (sem reyndar voru aldrei sendar út til fjölmiðla eins og við ætluðum að gera). Nokkrar stóðu uppúr:

'Málfundur Framtíðarinnar ályktar að nyrðri hluti þess landssvæðis sem áður hét Slésvík skuli innlimaður í Sambandslýðveldið Þýskaland, enda það rökrétt þróun skv. Slésvík-Holsteinismanum.'

og

'Málfundur Framtíðarinnar ályktar að Friðrik Sophusson eigi kex og honum sé gert að finna sér nýja konu.'

Í seinni tíð hef ég hins vegar orðið frekar hrifinn af Sigríði Dúnu Kristmundsdóttur, og óska henni alls hins besta.

Sorrí

2006-12-08T14:28:00.000Z

Nú flykkist fólk inn á síðuna mína af Google í leit að hjálpartækjum ástarlífsins. Mér þykir það leitt, en ég get ekki aðstoðað í þeim efnum.

Miklisannleikur í Ísafold

2006-12-06T22:34:00.000Z

Blaðamaður Ísafoldar fór á stúfana og réði sig í viku sem hjúkrunarfræðing á Landsspítala-Háskólasjúkrahús

...það fyrsta sem ég tók eftir var að sumu fólkinu blæddi og jafnvel þurfti að binda um sár þess eða setja það í gips...

...sumir þarna inni virtust vera rúmfastir og gátu ekki náð sér í mat sjálfir og þurftu hjálp við að fara á klósettið og í bað...

...ein kona hafði legið marga daga á deildinni áður en niðurstöðurnar úr rannsókninni skiluðu sér og í ljós kom að hún var með krabbamein... alvarleg vanræksla...

...sumir voru tengdir við einhvers konar vélar eða jafnvel með poka sem tengdust við æðar þeirra...

...mikið af fólkinu virtist líða illa og vera óöruggt...

Takk, Ísafold. Ég hafði ekki hugmynd.

Amatörismi

2006-12-06T17:46:00.000Z

Einar Kr. Guðfinnsson sjávarútvegsráðherra tók þátt ásamt Jóni Baldvini Hannibalssyni í pallborði við kynningu á bókinni Óvinir ríkisins eftir Guðna Th. Jóhannesson í Öskju í dag.

Einar eyddi mestum tíma sínum í að tala um að hleranir íslensku leyni-leyniþjónustunnar hafi verið amatörismi og að íslenskir lögreglumenn hafi verið 'álappalegir' við að verja erlenda stjórnmálamenn í Íslandsheimsóknum. Meginþráðurinn var því að þetta óhugnanlega njósnabákn, eins og fólk vill kalla það, hafi í rauninni bara verið nokkrir sveitalubbar að drekka kaffi og hlusta á vondu kommúnistana spjalla um byltinguna í símann. Ekki hafi því þurft að óttast það.

Það er ekkert smá hvað ríkisstjórnin virðist hafa litla trú á eigin starfsmönnum og almennt getu Íslendinga til að sinna mikilvægum verkefnum. Íslendingar eru almennt bara gamaldags og amatörar að þeirra mati. Geta ekki einu sinni njósnað almennilega! Nýlega lýsti Björn Bjarnason því yfir að vera Íslands á lista yfir 'staðfastar og viljugar þjóðir' hefði ekki skipt neinu máli og Sjálfstæðisflokkurinn notaði það í kosningabaráttu sinni við seinustu kosningar að við hefðum engin áhrif innan ESB ef við gengum inn í það batterí.

Getur þá einhver sagt mér af hverju við erum að eyða hundruðum milljóna í kosningabaráttu fyrir því að fá sæti í öryggisráði SÞ?

Bara til að vera amatörar að drekka kaffi í Brussel?

300. færslan

2006-12-04T23:40:00.000Z

Nú réttlæta menn Íraksstríðið með þeim frasa að fyrir því hafi legið réttmætar forsendur á sínum tíma.

Það hljóta þá að hafa verið algjörar tour de force-endur!

Takktakk, ég reyni mitt besta.

Músík fyrir próflestur

2006-12-04T18:18:00.000Z

Eins og með marga heldur tónlist mér gangandi gegnum próflesturinn. Ég hef tekið mér smá pásu frá heimaprófi um kynusla, klámvæðingu og karllægt augnaráð til að hlaða upp nokkrum lögum fyrir ykkur. Hvet ykkur til að taka ykkur pásu og endurgjalda greiðann á ykkar bloggum.

Everywhere með Fleetwood Mac er eitt af þessum fílgúdd lögum sem láta mann hreinlega dansa í sætinu sínu í Odda fyrir framan fullt af viðskiptafræðinemum. Fleetwood Mac hefur gengið í gegnum miklar mannabreytingar á löngum ferli sínum, en sjálfur er ég, eins og líklega flestir, hrifnastur af tímabilinu með Lindsey Buckingham, Stevie Nicks og Christine McVie í brúnni. Það var einmitt sú síðastnefnda sem samdi téð Everywhere, sem kom út á plötunni Tango in the Night árið 1987.

What else is there? með norska Bergen-dúettnum Röyksopp er í mínum huga flottasta lagið á stórgóðri plötu þeirra The Understanding sem kom út í fyrra. Karin Dreijer, söngkona The Knife, syngur í laginu, sem veitir því þetta mystíska element sem sænsku hnífasystkinin hafa verið þekkt fyrir. Pródúsjón Reyksveppsins er náttúrulega í hæsta gæðaflokki eins og alltaf.

Polyethylene (Parts 1 & 2) með Radiohead kom út á Paranoid Android smáskífunni árið 1997 og var á EP-plötunni Airbag/How Am I Driving? sem kom út árið 1998 fyrir amerískan markað. Platan hlaut Grammy-tilnefningu árið 1999, þrátt fyrir að vera aðeins 25 mínútna löng. Ég varð þeirrar gæfu aðnjótandi að sjá meistarana á tveggja tíma löngum tónleikum þeirra á Pukkelpop í sumar, sem var alveg hreint magnað. Þeir tóku þó ekki þetta lag, enda hafa þeir lítið gert af því gegnum tíðina.

Njótið.

Páll Nikulásarson

2006-12-03T21:44:00.000Z

Margir misvitrir Sjálfstæðis- og Framsóknarflokksspekúlantar, með dyggri aðstoð þingflokksformanns Samfylkingarinnar, hafa gert að því skóna að Paul Nikolov sé ótækur til þingsetu vegna slælegrar íslenskukunnáttu.

Ég veit ekki hvað þessir menn hafa fyrir sér í þessu. Nikolov talar ágætis íslensku og kom mér mikið á óvart þegar hann hóf upp raust sína á landsfundi SHA um daginn. Menn ættu kannski að dobbultékka svona áður en þeir koma með einhverjar yfirlýsingar um að útlendingar eigi ekki að fá að tjá sig á enu háva Alþingi.

Skrítið að Frjálslyndir hafi ekki misst sig yfir þessu.

Stuðningur

2006-12-02T15:58:00.000Z

Vil koma því á framfæri að ég styð alla þá sem hyggjast fremja ofbeldis- eða auðgunarbrot í nánustu framtíð.

Stuðningur minn skiptir samt engu máli, þessi brot verða örugglega framin hvort sem ég styð þau eða ekki.

Prófkjör VG

2006-12-02T03:55:00.000Z

Auðvitað er það ætlun Fréttablaðsins að hrista aðeins upp í frambjóðendum fyrir prófkjör. Það er ástæðan fyrir því að blaðið rifjar upp margra ára gamalt mál, bankasöluna - til að stimpla VG sem afturhaldskommatittaflokk.

Það er leiðinlegt að fólk detti í gildruna, en auðvitað var margt ámælisvert í einkavæðingu bankanna. Þessi Baksvið Fréttablaðsins hafa í öllum tilvikum snúist um að benda á hvað greinir frambjóðendurna að og hver sérstaða þeirra er. Að því leyti er þetta góð blaðamennska. Hvort það hafi verið réttlátt að skella upp æsifréttafyrirsögnum um að skiptar skoðanir hafi verið um bankasöluna er annað mál. Auðvitað voru skiptar skoðanir um hana. Það hefur legið fyrir í mörg ár. Örugglega hjá fleiri flokkum en VG.

Hins vegar liggur líka fyrir að Katrín Jakobs, Kolbrún Halldórs og Ögmundur munu leiða þessa þrjá lista. Það er allavega mín spá. Guðfríður Lilja, Gestur og Árni Þór í 2. sæti? Er ég úti á þekju?

Misobankia

2006-11-30T11:29:00.000Z

Vinstri græn eru ennþá að væla yfir að bankarnir hafi verið seldir. Allir nema fjórir af sextán forvalsframbjóðendum í Reykjavík og Suðvestur segjast á móti sölunni í Fréttablaðinu. Og nú vilja sumir þar fleygja þeim úr landi. Hvaða bankahatur er þetta?

Mér finnst að ein spurningin hefði mátt vera: Hvaða fyrirtæki langar þig mest að ríkisvæða, komist þú í ríkisstjórn? Það hefði verið forvitnilegt að lesa þau svör.

Tenglasafn

2006-11-28T20:15:00.000Z

Til stendur að ég geri gangskör á, fegri tenglasafn mitt og flytji það jafnvel í hægri dálkinn á síðunni. Fagna því allir óðir menn.

Telur sig einhver hlunnfarinn um tengil?

Skjallbandalag

2006-11-28T20:05:00.000Z

Ég er mjög undrandi yfir því að enginn vilji mynda skjallbandalag með mér, nema Helga, en það væri frekar gay. Tvær ástæður fyrir þessu koma til greina:

1) Enginn getur hugsað sér að tala vel um mig.
2) Enginn telur sig hagnast á góðu umtali frá mér.

Þetta þýðir líklega að ég verði að tala illa um ykkur öll áfram eins og ég hef gert hingað til. Til dæmis Frikka, sem er stórdólgur, eins og alkunna er.

Zjálfstæðisflokkurinn

2006-11-27T12:32:00.000Z

Af Vísi:

Tilboð

2006-11-27T09:31:00.000Z

Vill einhver mynda með mér skjallbandalag?

Innlimun

2006-11-26T21:05:00.000Z

Þetta er að fara eins og ég hélt. Norsarinn Geir Hilmar Haarde, útsendari Noregskonungs, vill hingað norskan her og Valgerður 'Norðmannsfrú' Sverrisdóttir er hans skjaldsveinn. Tímaspursmál hvenær Kalmar verður endurvakið og Nýi Gamli Sáttmáli undirritaður.

Sigurörn

2006-11-26T18:46:00.000Z

Allar fréttir í dag snúast um Framsóknarmenn eða einhvern fokking örn. Ég vona að fjölmiðlar taki á sig rögg og fjalli vel um sögulega nafnbreytingu SHA, sem heita nú Samtök hernaðarandstæðinga.

Annars vona ég að umræða um kosningafyrirkomulagið komist á flug, eins og hún virðist ætla að gera. Núverandi kjördæmaskipan og prófkjör stjórnmálaflokkanna eru að knésetja lýðræðið og jafnrétti kynjanna. Þær hugmyndir sem mér hefur litist best á hingað til eru annars vegar að 32 þingmenn séu kosnir í landskjöri, en 31 í jafnmörgum einmenningskjördæmum - og hins vegar að kjósandi geti raðað upp frambjóðendum þess flokks sem hann kýs á kjörstað eins og um prófkjör væri að ræða, en reglur hlutfallskosninga mundu þá gilda (1. sæti fær heilt atkvæði, 2. sæti hálft atkvæði, 3. sæti 1/3 atkvæði o.s.frv.).

Þurr færsla? Það er líka sunnudagur. Ræðið.

Át

2006-11-24T15:47:00.000Z

Í fyrrinótt dreymdi mig að ég borðaði geisladisk.

Einhver með túlkanir á takteinunum?

2006-11-23T19:34:00.000Z

Í ljósi nýlegrar umræðu

Hjálpartæki ástarlífsins, inniskór og Viagel

2006-11-23T17:29:00.000Z

Að áeggjan Frikka blogga ég hér um hjálpartæki ástarlífsins, inniskó og Viagel.

Um þessi fyrirbæri hef ég í raun fátt að segja. Ég hef ekki tamið mér notkun hjálpartækja ástarlífsins og verð því miður að bera fyrir mig vanþekkingu á því ágæta fyrirbæri. Það sama gildir um Viagel. Inniskó nota ég aldrei, en á hins vegar töflur sem ég nota nær eingöngu þegar ég þarf að fara út á svalir til að viðra sængur eða kodda.

Boðum um að skrifa á femin.is hlýtur að rigna inn í kjölfar þessarar færslu.

Væri ég Sjalli

2006-11-20T23:23:00.000Z

Ef ég væri Sjálfstæðismaður mundi ég taka undir þá gagnrýni að það sé landlæg kvenfyrirlitning í flokknum, frekar en að segja að þeir hæfustu hafi verið valdir í prófkjörunum undanfarið. Kvenfyrirlitningu má útrýma. Hins vegar er það engum flokki til framdráttar að básúna það út um allt að kvenkyns meðlimir hans séu nær allir svo óhæfir að enginn vilji kjósa þá í prófkjörum.

Mannanöfn

2006-11-20T13:41:00.000Z

Ég get ekki annað en tekið undir með þessari grein. Þetta frumvarp hjá Birni Inga um mannanöfn er hið undarlegasta. Í raun er lögum um mannanöfn ekki breytt, heldur faglega skipuð nefnd sem á að framfylgja þeim einungis lögð niður. Með öðrum orðum byggist það á ágiskunum presta og Hagstofustarfsmanna hvort mannanöfn eru leyfileg eða ekki.

Skilyrði fyrir leyfileg nöfn eru eftirfarandi:
* Nafnið þarf að geta tekið íslenskri eignarfallsendingu eða hafa unnið sér hefð í íslensku máli.
* Það má ekki brjóta í bág við íslenskt málkerfi.
* Það skal ritað í samræmi við íslenskar ritvenjur nema hefð sé fyrir öðrum rithætti þess.
* Það má ekki vera þannig að það geti orðið þeim sem ber það til ama.
* Stúlku má aðeins gefa kvenmannsnafn og dreng aðeins karlmannsnafn.

Þetta býður upp á ýmis tækifæri. Spurning hvort ýmis áður óþekkt nöfn fáist samþykkt fyrst enginn er til staðar til að framfylgja lögunum. Markmiðið bara að finna eins grunlausa og kalkaða presta og hægt er og fá þá til að samþykkja áhugaverð nöfn:

Hillusamstæða Sigurðardóttir? (tekur vissulega íslenska eignarfallsendingu, en er barninu líklega til ama)
Srglfrrmbbúbb Ásgeirsson? (brýtur í bága við íslenskt málkerfi)
Jónjónjón Halldórsson? (ef. Jónsjónsjóns?)
Ógeðslegurnauðgari Gylfason? (barninu til ama)
Sigtryggur Bergþór Jónsdóttir? (á stelpu)
Zdainndohrrr Khrjetarr Jónsson? (mun meira töff en Steindór Grétar)
Actavis Róbertsson? (opnar gluggann fyrir fleiri fyrirtækjasponseruð nöfn. CocaCola Guðjónsdóttir? Skyr.is Garðarsson? Jón Sko Dagsson? PriceWaterHouseCoopers Bergsson?)

Möguleikarnir eru endalausir. Fleiri tillögur?

Snilld

2006-11-19T20:58:00.000Z

Stórmeistarinn og æskuvinur minn Rúnar Ingi Einarsson var rétt í þessu ásamt góðra manna hópi að landa Hvatningarverðlaunum Eddunnar. Snilldarlega gert, sérstaklega í ljósi þess að þeir skrifuðu handritið, redduðu leikurum, tóku myndina upp, klipptu og kláraðu á fimm dögum. Magnað stöff.

Ef stóriðjustefnu ríkisstjórnarinnar er lokið...

2006-11-16T18:53:00.000Z

...af hverju er þá Jón 'ég geri skyldu mína' Sigurðsson iðnaðarráðherra að funda með stjórnendum Norsk Hydro varðandi nýjar álversframkvæmdir?

Æ æ

2006-11-15T18:23:00.000Z

Runólfur Ágústsson, rektor 'Háskólans' á Bifröst, er aldeilis í vanda núna, meðal annars vegna samræðis hans við kvenkyns nemanda skólans.

Runólfur samdi spurningar fyrir 'Gettu Bifröst' um daginn og birti þær á bloggi sínu. Spurning nr. 6 hljóðar svona:

Tilvitnun dagsins

2006-11-15T10:46:00.000Z

Sökudólgurinn er ekki verðtryggingin, ó nei, dólgurinn sá atarna er oftast óábyrg fjármálastjórn yfirvalda.

- Agnar Freyr Helgason, stórhagfræðingur.

Pfaff, góðan dag

2006-11-13T18:21:00.000Z

Ber ekki að fagna þessu?

Moggaflipp

2006-11-13T16:34:00.000Z

Í leiðara í dag virðist Mogginn hvetja til sértækra aðgerða og jafnvel kynjakvóta til að rétta stöðu kvenna í prófkjörum. Veió. Er þetta alvöru hugarfarsbreyting eða svona dæmigert Moggaflipp eins og að leggjast gegn hvalveiðum?

Glæsileg kosning Unnar Brár

2006-11-12T21:38:00.000Z

Glæsileg kosning Unnar Brár Konráðsdóttur í prófkjöri Sjálfstæðisflokksins í Suðurkjördæmi er efst frétta á Deiglunni í dag. Sem er svo sem ekki skrítið í ljósi þess að hún skrifar á Deigluna.

Annars er það bara gamla liðið hjá Samfylkingunni. Og aftur byrjar kórinn um klofningu og að ISG hafi ekki fengið nógu góða kosningu. Mér finnst eðlilegt að þegar maður kýs í prófkjöri reyni maður að setja þá í efstu sætin sem maður vill sérstaklega að komist að, svo atkvæðið nýtist án vafa, sama hvar viðkomandi lendir. Það er að kjósa taktískt. Það að mikill stuðningsmaður t.d. Glúms Baldvinssonar (les: hann sjálfur) setji hann í 1. sæti svo enginn vafi leiki á að atkvæðið nýtist er engan veginn að fella einhvern dóm yfir ISG.

Árni Johnsen aftur á leiðinni inn á þing. Takk, lýðræði. Því tókst þó allavega að fleygja burt Gudda glæp Hjörleifssyni og Gunnari 'Blue Diamond' Ölsyni.

Svar

2006-11-10T13:48:00.000Z

Fólk hefur verið að spyrja sig hvort Guðrún Ásmundsdóttir sé á sömu línu og restin af Stjórnlynda flokknum þegar kemur að innflytjendamálum.

Hún er á stuðningsmannalista Helga Hjörvars á bls. 9 í Fréttablaðinu í dag. Liðhlaup?

Ríkisstjórnin kolfallin

2006-11-09T15:48:00.000Z

Það sem kemur mér á óvart í könnun Fréttablaðsins í morgun er ekki það að Frjálslyndir margfaldi fylgi sitt, heldur það að ríkisstjórnin er kolfallin samkvæmt þessum tölum. Saman ná ríkisstjórnarflokkarnir aðeins 29 þingmönnum (þar af bara 4 frá Framsókn) og vantar 3 upp á að ná meirihluta aftur.

Samkvæmt tölunum eru komin fram ný stjórnarmynstur, annað hvort ríkisstjórn stjórnarandstöðuflokkanna (Frjálslyndir hljóta að beila á rasismanum eftir kosningar), eða jafnvel ríkisstjórn Sjálfstæðisflokks og Frjálslyndra (tæp, með 32 þingmönnum). Geta einhverjir hugsað sér það? Eru Frjálslyndir jafnvel of gramir eftir svik Villa í borginni í vor?

Víst er þetta rasismi

2006-11-08T09:39:00.000Z

Varaformaður Stjórnlynda flokksins hefur líklega ekki haft áhyggjur þegar Ísland gerðist aðili að EES-samningnum og íbúar Lúxembúrg, Írlands, Danmerkur, Austurríkis, Finnlands, Belgíu, Hollands, Bretlands, Þýskalands, Svíþjóðar, Frakklands, Ítalíu, Spánar og Grikklands fengu innan skamms að 'ráðast inn í landið'.

Hins vegar veldur það Magnúsi Þór áhyggjum að Tékkar, Eistar, Ungverjar, Lettar, Litháar, Pólverjar, Slóvakar og Slóvenar komi til landsins. Þeir eru örugglega ekki kristnir, og jafnvel 'synir Allah'.

Ég vil fá að flæða frjáls til Möltu. Af hverju vilja Frjálslyndir ekki leyfa mér það? Gengur þetta ekki í báðar áttir?

Fréttamennska

2006-11-06T19:22:00.000Z

Sjónvarpsmaður: Jæja, nú ert þú efstur eftir fyrstu tölur?
Frambjóðandi: Já, maður getur ekki verið annað en þakklátur, en þetta eru fyrstu tölur og margt getur breyst.
...
S: Já, þú ert enn efstur samkvæmt öðrum tölum?
F: Já, ég finn fyrir miklum stuðningi, en þetta er víðfemt kjördæmi og ekki búið að telja allt.
...
S: Þú ert enn efstur, ef marka má þriðju tölur?
F: Já, ég er þakklátur stuðningsmönnunum, kjósendur eiga síðasta orðið, en enn er ekki nema helmingur atkvæðanna talinn svo röð frambjóðenda gæti breyst.

Leiðtogi

2006-11-06T09:02:00.000Z

Öll umr æðan um að Samfylkingin í suðvesturkjördæmi sé 'leiðtogalaus' er alveg út í hött. Flokkurinn stóð frammi fyrir lúxusvandamáli, að þrír buðu sig fram í fyrsta sæti, fólk kaus og einn stóð upp úr sem sigurvegari. Mér finnst frekar benda til þess að Samfylkingin telji sig hafa úrval fólks í kjördæminu en að þetta sé einhver þrautalending.

---

Ég er á móti dauðarefsingum og þá sérstaklega hengingum. Frikki, go nuts.

---

Útspil Frjálslyndra kemur ekki á óvart. Agnar Freyr skrifaði þessa færslu 30. apríl. Þetta hefur lengi legið í loftinu.

Þorskaheft

2006-11-01T18:06:00.000Z

Þessi frétt er vægast sagt sérstök og gott dæmi um þá orðræðu sem er til staðar í kringum nauðganir. Fréttamaður segir að maður hafi verið dæmdur í fangelsi fyrir að hafa haft samfarir við þroskahefta konu. Nei, hann var dæmdur í fangelsi fyrir að nauðga þroskaheftri konu. Að hafa samfarir við einhvern er ekki glæpur, enda fela samfarir í sér samþykki. Af hverju er verið að milda það sem maðurinn gerði í fréttinni?

Svo er náttúrulega frekar fyndið að konan er kölluð 'þorskaheft' í fyrirsögn fréttarinnar.

Oj mæ godd

2006-11-01T17:44:00.000Z

Hér er að sjálfsögðu ekki verið að gefa það í skyn að konur selji sig á börum fyrir drykk, heldur einungis verið að benda á algenga afleiðingu þess að hafa fagran barm, þ.e.a.s. ókeypis kokteill - og í leiðinni bent á hve ódýrt það er í raun að fá sér silikonbrjóst.

F365 kunn'etta

2006-10-31T23:42:00.000Z

'Despite two teams who claim to be the best in Europe preferring to spend their evening in the Nou Camp cheating, diving, whingeing, accusing and feigning injury, a football match occasionally took place which Barca and Chelski drew 2-2.'

Kapítalisminn er ógeðslegur.

Pöbbquiz

2006-10-26T14:36:00.000Z

Ég sé um Pöbbquiz Röskvu á Stúdentakjallaranum kl. 20.00 í kvöld. Þemað er 'Fólk með dulnefni'. Endilega mætið.

Kvennafrídagurinn

2006-10-24T23:59:00.000Z

Kynjafræði við Háskóla Íslands hélt upp á 10 ára afmæli sitt með flottu skemmtikvöldi á Barnum að kvöldi Kvennafrídagsins í gær. Gott fólk hefur unnið að uppbygginu þessa fags og það er í örum vexti. Ég get nánast fullyrt það að enginn lítur vísindi sömu augum eftir að hafa kynnt sér kynjafræðina.

Sjaldan finnst mér skemmtilegra að tala um pólitík en þegar kemur að femínisma. Ég fer ekki í neinar grafgötur með það að ég er femínisti og finnst gaman að taka fólk á hvað varðar málefni eins og launamismun, klámvæðingu og birtingamyndir kynjanna í fjölmiðlum.

Það virðist nefnilega oft vera að fólk festist í þeim hugmyndum að hlutirnir eigi sér alltaf náttúrulegar orsakir. Að þeir ríku séu ríkir þar sem þeir eru náttúrulega hæfari (gáfaðari, sterkari, duglegari o.s.frv.) er til dæmis gott dæmi. Þá gleymist að taka dæmi um þá menningu og heimsmynd sem fólk fæðist inn í og elst upp við. Hlutirnir eru ekki bara svartir eða hvítir. Það menningarlega virðist oft gleymast.

Það sama gildir um stöðu kynjanna. Konur eru engan veginn verr í stakk búnar til að standa sig vel en karlmenn, það vitum við öll. Þeir sem öðru halda fram eiga engan veginn erindi inn í umræðu á 21. öld. Hvernig má þá útskýra að launamunur kynjanna hafi haldist óbreyttur, 16%, í 12 ár?

Staða konunnar er menningarlegs eðlis, ekki náttúrulegs. Birtingamyndir karlamenningarinnar getum við séð hvarvetna og varla þarf annað að gera en að lesa blöðin eða horfa á sjónvarpið til að verða þess áskynja. Fjöldi kvenna og karla sem fjallað er um er ekki sambærilegur og birtingamyndir kvenna í fjölmiðlum eru svo dæmi sé tekið fyrirsætur í auglýsingum. Rannsóknir hafa leitt í ljós að lesendur dæma blöð og tímarit þar sem jafn mikið er af myndum af báðum kynjunum sem 'kvennablöð'.

Það ætti að skoða eitt í ljósi þeirrar hrinu nauðgana sem hafa átt sér stað undanfarið. Ég trúi því ekki upp á mitt eigið kyn að orsök þess að karlmenn nauðga sé náttúruleg. Nauðganir eru orsök þess að karlkynið varð ofan á í menningunni sem drottnari, en konan sem þerna.

Þetta misrétti verður ekki lagað með einfaldri jafnri löggjöf. Fólk þarf að vakna til meðvitundar og vinna þarf markvisst gegn þeim menningaráhrifum sem skapa karlaveldið. Að einungis þriðjungur ráðherra og þingmanna séu konur er ágætis birtingarmynd þessarar stöðu. Í 20 síðna viðskiptablaði Fréttablaðsins Markaðnum í dag eru myndir af þremur konum. Þetta eru ekki sýnilegar fyrirmyndir.

Svona bloggfærslur þykja kannski ekki töff. En ég skammast mín ekkert fyrir þessar skoðanir, enda hef ég heila fræðigrein á bak við þær.

Uppfært: Bendi í þessu samhengi á flotta ályktun Stúdentaráðs sem við í Röskvu náðum í gegn eftir mikið hark.

Keisarinn er ekki í fötum

2006-10-24T00:11:00.000Z

Hei, Dr. Mister & Mr. Handsome er ekki góð tónlist. Illa pródúseruð og ófrumleg. Þeir fengju ekki plötusamning nema á Íslandi, enda bara sveitaballasjitt. Líferni dópista sem ekki kunna að gera tónlist ættu ekki að vera til umfjöllunar tvo daga í röð í þætti eins og Kastljósi. Öðru mun merkilegra hefur þátturinn sleppt því að fjalla um.

Þetta leiðir að því sem mér finnst um Kastljósið. Þátturinn er varla meira en kranablaðamennska í núverandi mynd. Það er sjaldan eða aldrei sem reynt er að kryfja eitthvað mál til mergjar með nákvæmri umfjöllun og heimildasöfnun. Yfirleitt eru bara tveir viðmælendur látnir rífast þar til þáttastjórnandinn segir að ekki gefist meiri tími fyrir þetta spjall í kvöld. Kastljósið hefur alla burði til að vera betra.

Sjálfstæðisflokkurinn

2006-10-23T14:09:00.000Z

Eitt af því athyglisverðasta sem sprottið hefur upp í netheimum að undanförnu eru pólitísk slúðurblogg, þar sem hinir og þessir spekúlantar og kverúlantar skúbba um hina og þessa orðróma og skýra ýmsar stjórnmálafréttir. Meðal þessara manna eru til dæmis Pétur Gunnarsson, fyrrum yfirmaður minn, Andrés Jónsson og félagar á Orðinu á götunni og Steingrímur Sævarr Ólafsson, fyrrverandi aðstoðarmaður Halldórs Ásgrímssonar.

Það var á bloggi þess síðastnefnda sem ég rakst á mjög áhugaverða færslu sem skýrir að mörgu leyti innra gangverk Sjálfstæðisflokksins og klofningu innan forystunnar.

Færslan snýst í stuttu máli um að hópur Sjálfstæðismanna sendi forystunni nafnlaust bréf vegna þess að Guðlaugur Þór Þórðarsson, sem er í samkeppni við Björn Bjarnason um annað sætið í prófkjörinu Reykjavík, hafði einn aðgang að nýuppfærði skrá yfir skráða Sjálfstæðismenn og símanúmer þeirra, til að hringja í og biðja um atkvæði þeirra í prófkjörinu.

Svo er sagt að hvergi í heiminum megi minni spillingu finna en á Íslandi?

Það sem er kannski áhugaverðast í þessu fyrir mig og félaga mína í Röskvu er að þessi færsla Steingríms sýnir að einhverju leyti fram á þau tengsl sem við höfum talið Vöku, félag lýðræðissinnaðra stúdenta, eiga við Sjálfstæðisflokkinn. Allavega er nafn Reynis Jóhannessonar, stjórnmálafræðinema og stjórnarmanns Vöku, skýrlega skjalfest á þessum lista yfir Sjálfstæðismenn. Vökuliðar hafa oft reynt að klóra sig út úr því að vera tengdir Sjálfstæðisflokknum, sérstaklega þar sem Sjálfstæðisflokkurinn eru fylgjandi skólagjöldum við Háskóla Íslands. Því hlýtur það að orka tvímælis að styðja skólagjöld á einum vettvangi (í Flokknum), en ekki öðrum (í Stúdentaráði).

Reynir er einmitt í viðtali á Vökusíðunni spurður hvort hann sé virkur í starfi einhvers stjórnmálaflokks. Hann svarar neitandi. Ætli hann sé einn Vökuliða um að mismæla sig svona?

Reynir er ásamt Vökufélaga sínum Jóhanni Alfreð Kristinssyni á stuðningsmannalista Guðlaugs Þórs fyrir prófkjörið næstu helgi. Spurning hvort Guðlaugur reddi Vöku í staðinn listunum til að hringja sérstaklega í Sjálfstæðismenn fyrir kosningar til Stúdentaráðs? Svo maður endi þetta á orðum Steingríms: Þegar stórt er spurt...

Hvalveiðar

2006-10-22T18:43:00.000Z

Fréttir NFS í kvöld segja að langreyður sé í útrýmingahættu. Samt veiðum við hana.

Ég ber engar sérstakar tilfinningar til hvala. Mér finnst hvalkjöt mjög gott, sérstaklega grillað. En þjóðrembingurinn má ekki ná út fyrir öll velsæmismörk. Nokkrir punktar:

1. Við erum að brjóta alþjóðalög. Við erum að brjóta lög. Það á ekki að þurfa neina umræðu um svo einfaldan punkt, sama hvað réttlætiskennd nokkurra stjórnmála- eða sjómanna segir.

2. Þau rök eru ítrekað notuð að hvalir éti allan fiskinn okkar. Það fer tvennum sögum af þessu. Mér þætti gaman að heyra það rétta í þessu máli, og þá þætti mér jafnvel réttara að þetta mál væri á könnu vísindamanna og vísindaveiðarnar yrðu notaðar sem tól til þessa. Sérstaklega ef enginn markaður er fyrir hvalkjöt.

3. Það er ekkert að því að fólk hafi skoðanir. Paul Watson og Greenpeace og allt þetta lið eru öll velkomin í minni bók. Ef þau brjóta ekkert af sér og mótmæla friðsamlega þá verðum við bara að taka tillit til þess. Málfrelsi á ekkert bara við um Íslendinga. Sömuleiðis verðum við að taka tillit til skoðana erlendra samtaka og ráðamanna. Ísland hefur verið lengi að byggja upp ímynd, það er fáránlegt að rífa hana niður í einni lotu. Við höfum gert nóg af því með stóriðjunni.

4. Þetta er smjörklípa. Mitt í hlerunarskandalnum kemur þetta hvalveiðamál upp sem hleypir öllu á hvolf, dregur fólk í dilka eftir þjóðerniskennd eða skynsemisnálgun. Fjölmiðlasjóvið í kringum þetta hjálpar ekki til. Það á ekki að taka á þessum málum á þennan hátt.

Eirðó

2006-10-20T11:49:00.000Z

Einhvern veginn tókst mér að hanga nokkurn veginn alveg síðan ég vaknaði kl. 8. Þetta er fáránlegt. Ég er farinn í vísundaferð.

---

Lesið Vefritið.

ÚT MEÐ YKKUR!

2006-10-12T10:36:00.000Z

Allir á Austurvöll klukkan hálf fjögur!

Mælum með menntun

2006-10-09T14:28:00.000Z

Allt gott fólk skráir sig á þennan undirskriftalista.

Uppáhalds talhólfið mitt

2006-10-08T15:57:00.000Z

'Þetta er Jón Sigurðsson og ég er ekki viðlátinn að sinni.'*klikk*

Daft Punk viðtal

2006-10-06T18:56:00.000Z

Kemur í Fbl. á morgun.

Toppnum er náð. Blaðamannaferill minn liggur niður á við héðan í frá.

Meðmæli

2006-10-06T13:22:00.000Z

Svarti Listinn

2006-10-02T15:00:00.000Z

Það eru alveg nokkrir komnir á Svarta Listann minn eftir skort á afmæliskveðjum í gær... nefni engin nöfn...

Við Helga fórum saman á Maru í tilefni dagsins og fengum okkur sushi. Huggulegur staður og góður matur, mæli sérstaklega með japanska bjórnum. Fórum svo á Electroma á RIFF og ég tel óhætt að mæla með henni fyrir þá sem þola óvenjulegar og (svo ég sletti) uneventful kvikmyndir.

Annars eru Staksteinar dagsins í dag ein fyndnasta/firrtasta lesning síðari tíma.

Uppfært: Ég var ekki búinn að sjá að Helga skrifaði næstum því alveg eins færslu og ég um gærdaginn. Við erum eiginlega orðin vandræðalega gay.

Djammæli

2006-10-01T12:48:00.000Z

Það er ánægjulegt að hefja 22. aldursár sitt í herlausu landi.

Stuttmyndakeppnin á morgun!

2006-09-29T12:27:00.000Z

Stuttmyndakeppnin Ljósvakaljóð 2006, sem ég og stórvinur minn Rúnar Ingi höfum verið að þrælka okkur út í, er á morgun. Dagskráin fer öll fram í Ráðhúsi Reykjavíkur og kaffi og vöfflur í boði fyrir alla!

Kl. 12:30 hefst röð fyrirlestra þar sem Ragnar Bragason, Dagur Kári og Skúli Malmquist ræða um ýmsa þætti kvikmyndagerðar og kvikmyndaiðnaðarins.

Kl. 16:00 hefst sjálf stuttmyndakeppnin, þar sem 5-8 sérvaldar myndir keppa um aðalverðlaunin, auk áhorfendaverðlauna.

Hvet alla vini mína og áhugamenn um kvikmyndalist til að mæta. Hvað annað hafiði að gera á laugardagseftirmiðdegi?

Friðbjörn Orri Ketilsson er ekki frjálshyggjumaður

2006-09-28T13:45:00.000Z

Í nýlegri færslu sinni gerir Friðbjörn Orri Ketilsson, formaður Frjálshyggjufélagsins, lítið úr því að hátt í 15 þúsund manns hafi safnast saman í fjöldagöngu gegn fyllingu Hálslóns. Hann segir að barátta gegn nýtingu auðlinda vinni gegn lífsgæðum eins og þeim að fólk þurfi ekki að vinna á kvöldin og geti því mætt á fjöldasamkomur.

Í annarri færslu stuttu áður fer Friðbjörn mikinn um það að Byggðastofnun hafi veitt 15 milljónum í hið óarðbæra fyrirtæki Hextækni sem fór á hausinn árið 2004.

Nú er mér spurn. Hvernig getur sannur frjálshyggjumaður, sem ætti í raun að leggjast gegn öllum ríkisframkvæmdum, kvartað og kveinað yfir því að nýsköpunarfélag fái 15 milljónir frá ríkinu til að koma undir sig fótunum, á meðan hann fagnar byggingu Kárahnjúkavirkjunar, 100 milljarða króna ríkisframkvæmd, sem allt útlit er fyrir að skili litlum eða engum hagnaði í þjóðarbúið, enda orkan úr henni seld á sérstaklega lágu verði. Engir einkaaðilar voru tilbúnir að fjárfesta í Hextækni, en það sama hefði gilt um Kárahnjúkavirkjun, hefði hún ekki verið styrkt af 100 milljörðum úr ríkissjóði. 6667 sinnum hærra framlag en Hextækni fækk.

Þann kalla ég engan frjálshyggjumann sem þykist einungis vera frjálshyggjumaður þegar það skaðar ekki þann flokk sem hann styður.

Góður díll

2006-09-27T11:39:00.000Z

Við þurfum að borga 5 milljarða til að rífa sundlaug og þurrka upp eiturpolla eftir herinn.

Note to self

2006-09-26T18:23:00.000Z

Muna Ómars-gönguna í kvöld. Hlemmur. 20:00.

Ég og mágkonan - ávallt feit

2006-09-24T18:55:00.000Z

Samuel L. Jackson

2006-09-21T19:17:00.000Z

Enough is enough! I have had it with these motherfucking snakes on this motherfucking plane!

Marvin

2006-09-15T16:43:00.000Z

Marvin er töff.

Lífshættulega feitt

2006-09-14T14:19:00.000Z

Pöbbquiz Röskvu á Stúdentakjallaranum kl. 8 í kvöld.
Nýnemaball Röskvu á Barnum kl. 9 annað kvöld.
Nick Cave í Höllinni þriðja (?) kvöld.

Þessir viðburðir eru allir haldnir lífshættulegri offitu.

Svo er þetta töff.

Raddir hinna látnu

2006-09-11T09:29:00.000Z

Þetta finnst mér merkilegt í ljósi þess að Audrey Hepburn dó árið 1993.

Magnað

2006-09-11T09:14:00.000Z

Í nótt dreymdi mig að Magni sigraði Rockstar. Í kjölfarið braust út borgarastyrjöld á Íslandi. Vonum að ég sé ekki forspár.

Fiskiþjóðin

2006-09-09T18:29:00.000Z

Mig langar svo mikið í sushi núna. Það er líklega það besta sem ég fæ. Þó eru margir sem hafa megnustu fordóma á þessum mat. Í útskriftarveislunni minni haustið 2005 bauð ég nær eingöngu upp á sushi og þurfti næstum því að pína suma í að smakka, en það vakti undantekningarlaust lukku þegar fólk fékkst til þess.

Í London er hægt að fá pakka með 5 sushibitum, engifer, soja, wasabi og prjónum á 2 pund í hvaða matvörubúð sem er. Seðjandi og gott. Maður fengi varla tvo bita fyrir þessa upphæð hér á landi. Á ekki allt að vera vaðandi í fiski hérna? Einhver snillingurinn hlýtur að geta selt sushi á viðráðanlegu verði. Markaðurinn og allt það.

Sandkassinn

2006-09-05T22:02:00.000Z

Hér er smá árétting í tilefni af Haustblaði Vöku, þar sem talinn var upp listi af því fólki sem tók þátt í vinnunni við Stúdentakortin (þó mínu nafni hafi verið sleppt og Kristínar).

Listi yfir Stúdentaráðsliða og aðra sem unnu að blindraletursmerkingum í sumar á Odda, VR II, Öskju og Háskólabíói.
Fylking - Nafn
Röskva - Alma Joensen
Röskva - Ásgeir Runólfsson
Röskva - Ástríður Viðarsdóttir
Röskva - Dagný Ósk Aradóttir
Röskva - Eva María Hilmarsdóttir
Röskva - Kristín Tómasdóttir
Röskva - Steindór Grétar Jónsson
Röskva - Stígur Helgason
Röskva - Yngvi Eiríksson
Röskva - Þórir Hrafn Gunnarsson

Hann er flottur, þessi duldi áróður.

Valkvíði

2006-09-05T17:22:00.000Z

Eftir nokkurra daga stress og áhyggjur yfir að hafa valið námskeiðin illa eða vera á rangri hillu (pældi í hagfræði og bókmenntafræði (HÍ býður upp á ó svo margt)) held ég að ég sé kominn að niðurstöðu:

Hugtök og miðlun sögu
Inngangur að kynjafræði
Málstofa í kynjafræði
Kynjamyndir í fjölmiðlum
Franska fyrir byrjendur I

Franskan kemur þarna eins og skrattinn úr sauðarleggnum, en mig langar að prófa þetta. Smá framhaldsskóla fílingur samt yfir svona byrjendakúrs. Oui.

Stikkorð

2006-08-24T19:06:00.000Z

Generator, stunginn af vespu, It's gooood..., stíga í mold, Terry, Wolves, Varúð, springa út í pukkel, ekki hægt að vera fullur, Brussel Midi, ée fukkl, sushi, Krispy Kreme, Írar, Maes, súkkulaðiþjófar, de Beenham Konig, ælugaurinn, aldrei að giftast.

Bestu tónleikarnir: Radiohead. Exit Music var algjör hátindur ferðarinnar.

Mögnuðustu tónleikarnir: Daft Punk. Þeir eru algjörir listamenn.

Frumlegustu tónleikarnir: Beck. Notaði strengjabrúður á sviðinu.

Óvæntustu tónleikarnir: Gogol Bordello. Sígaunapönk í hæsta gæðaflokki.

Epískustu tónleikarnir: Rolling Stones í London. Algjör skyndiákvörðun að við fórum og sáum svo sannarlega ekki eftir því.

Danstónleikarnir: Hot Chip. Þeir kunna að halda úti stemmningu.

Mestu vonbrigðin: The Knife. Voru með allt nema sönginn á playbacki og tjald fyrir sviðinu sem skildi að áhorfendur og 'hljómsveitina'. Metnaðarfullir visualar en metnaðarlaus framkoma.

...

Grein eftir mig á Múrnum. Sú seinasta, held ég bara. Nóg að gera í vinnunni og Stúdentablaðinu. Allt að gerast í jafnréttisnefnd og svo er skólinn að byrja. Þrír kynjafræðikúrsar, hnattvæðingakúrs í sögunni og byrjendakúrs í frönsku. 21 eining. Sjáum hvernig fer.

Pukkelbless

2006-08-16T12:33:00.000Z

Farinn. Sé ykkur á fimmtudaginn.

9. ágúst

2006-08-09T09:22:00.000Z

Getur þú valdið vettlingi? Komdu þá á kertafleytinguna kl. hálf ellefu í kvöld við Tjörnina. Minnumst fjöldamorðanna í Hiroshima og Nagasaki.

Púkinn

2006-08-04T23:38:00.000Z

Nei, annars, ég nenni ekki. Fílekki þessi bönd.

Ef einhver vill frímiða á Innipúkann, bjallið í mig.